ديوان حامد زيد في منتدانا

[ساٌرقٌ الأحلامٌ]

ديوان حامد زيد

السلام عليكم ورحمة الله وبركاته

كيفكم يا اعضاء احلى واجمل منتدى

اليوم خطرت في بالي فكره

واهي ان نسوي ديوان خاص للشاعر الكبير حامد زيد

واكيد انكم كلكم تعرفون الشاعر الكبير حامد زيد

واللي ما يعرفه ان شاء الله راح يعرفه عن طريق الموضوع


كل ما في الامر اني بنزل مجموعه من القصايد اللي عندي

واي واحد من الاعضاء عنده قصيده للشاعر ينزلها في نفس الموضوع

عن طريق اضافة رد

وانا ببدا بقصيدة الثريا


ليه تطعني وانا ميت بليا=ما كفاك اللي حصل لي قبل ساعه
كن بين همومي وبينك حميا=جيتكمواحد وجيتوني جماعه
انت منا والمصايب من هنيا=كلكم ضدي ترى ماهي شجاعه
ما ابشع من جروح طعنات القفيا=غير سكينٍ تصيب بهالبشاعه
لاتتوب, ولاتذوب , ولاتريا=جرحها جرح وفظاعتها فظاعه
ترتوي من فيض دمي واتفيا=وصار قلبي مثل اخوها بالرضاعه
وانت ليلٍ لو ضويته ما يضيا=ضعت فيه وشفت نفسي في ضياعه
اتهيا وين ما اشوفه تهيا=وارسي بمرساه وذراعي في ذراعه
من عرفته , والمحيا بالمحيا=ومايروح الا ذراعي في ذراعه
ان رضيت ارضيه وان عييت عيا=وان طلبني قلت له سمعٍ وطاعه
ما عشقت من النجوم الا (الثريا)=وما ملكت من الكنوز الا القناعه
وانت وجيوش الموادع والجفيا= كيف اوقف ضدكم وانتم جماعه
لو بجيكم بالشجاعه والحميا=البلا ان (الكثرة تغلب الشجاعه)

[ساٌرقٌ الأحلامٌ]

:vba8843:


:clap: :clap:


السفينه

ضاقت اوساع الفيافي , والوعد متن (السفينه)=للطريق اللي دعاني بعد امان الله وامانه
لا تناديني وصوني قلبك الله لا يهينه=لا يراهن في رجوعي لجل ما يخسر رهانه
ليه ما ارحل عن غرامك بعد ما ذقت الغبينه=اذكري لي شيء واحد يستحق اقعد عشانه
قلب ما حن لوصالي ماني بحاجة حنينه= واشهد انه ما يعزز بالرفيع الا هوانه
الهوى غدار حد الله ما بيني وبينه=والرجل لا خير فيه ان ما حفظ قدره وشانه
واحد مثلي ليا حدته عوجا سنينه=ما شكا لاقرب ابنادم لو هو اغلى من اخوانه
يوم قلبي ما عصاك , وما قدرتي تذبحينه=ليه خنتي فيه وانتي معه من نفس الديانه
كان ذبحي بيدك ارحم لي من اللي تفعلينه=وان طلبتك تذبحيني ما ذبحتيني لعانه
كل جرح من جروحي تذكرينه .. تنكرينه=كن ما لك في نزيفه (يد) خانت بالأمانه
ينزف الخافق تواضع لين لطختي جبينه=والا انا ما كنت ابيها توصل لحد الاهانه
قلت: (من باب الميانه) صاحبك وتعذبينه=لعنبوك ارخي معاي اشوي ما صارت ميانه
طعت عقلك يوم قيل: ان العقل في البنت زينه=لكن الشرهة علي المنت احسب انك تكانه
من بعد ما كنتي انتي في حشاي اغلى سجينه=باوعدك بطلق راحك , واتهمني بالادانه
وين رايح ..؟ لأي درب ما يرجع للمدينه= ليه رايح ..؟ لان قلبك ما ترك قلبي وشانه
كيف ابا انسى ؟ ربي اللي ملهم القلب السكينه=مثل ما عانه في قربك لا نوى فرقاك عانه
كان قاسي يجرح اطراف السكاكين السنينه=وما يطيح وبنت مثلكحبها هزت كيانه
والا انا خابر خفوقي ما يمد الا الثمينه=وان بغى يغيض الثريا قعد القمرا وزانه
مزعل لجلك هنوف رجت عقول رزينه=وان تهادت بالطريق الجرهدي تزهر جنانه
جادلٍ حتى (الجمال) ان شافها كتف ايدينه=و(القمر) لو شاورت له ينزح وتقعد مكانه
كانت اول من تحكم في فروع الياسمينه=وان تعدتهن تثنن خيزرانه خزرانه
بعتها لاجلك وصارت لاصغر اطرافك رهينه=والا هي لفته لفته هدبها تغمرك ثقل ورزانه
والخفوق اللي تغذى من معزة والدينه=مشكلته انه تعلق في زمن ماهو زمانه
كل ما زادت جراحه , واكتشف غلطة ضنينه=صدقيه ان قال: ما به شخص يستاهل حنانه
يوم نادى: يا فلانه!! ما رضيتي تسمعينه=لين صوت: يا فلانه يا فلانه يا فلانه
كنت اشوفك زعفرانه تقرض الورد وتدينه=يمكن اني ما قطفتك ,, بس اشوفك زعفرانه
كنت اهاب البعد عنك .. واطلبك لا تذكرينه=كان خوف من الفراق وخطوة الفرقا جبانه
ما اقتنعت ان (الخيانه) للرجل تلوي يمينه=لين ما ربي بعثك, وذقت من طعم (الخيانه)
اسمحي بي ما بقى فيني مكان تطعنينه=واقبلي من جوف قلبي كل عطفه .. وامتنانه
والله الله في عذابك بتركك عينك بعينه=دلليه, ولا يرده عن شقاك الا لسانه
والا انا قررت اسافر , وامتطي ظهر السفينه=(لانه ما به شيء واحد يستحق اقعد عشانه)

[ساٌرقٌ الأحلامٌ]

حد علمي بالغلا

حد علمي با الغلا .. يوم كنت اسوى كثير=يوم كانت ضحكتي طبع , وعنادي سمه
وحد علمي بالعنا.. يوم خفاقي ضرير=قبل اشوف المسلم يموت بيد المسلمه
ايه عدت من يدي بس ما عدت بخير =ليلة عيت تجيني .. وجتني مظلمه
من عرفت احساسها كن في قلبي نذير=والنهار الكتئب باين من مقدمه
ليلةٍ حسيتها لا تجور ولا تجير=مثل طفلٍ ما حقرته , وعيت احشمه
واصبحت مثل شعره واقصمت ظهر البعير=وابتدا مع موته الجرح من حيث اختمه
صار لي بالعشق ما لا هقيت انه يصير=أنظلمت بعشرة انسان ما كنت اظلمه
العشير اللي بترى من ظلوع العشير=الحلا عزز خطاياه .. والحظ اخدمه
لا تبسم .. يكسر النور بعيون البصير=وكن شمس المغربيه تبات بمبسمه
معتدل في قامته لا طويل .. ولا قصير=ممتلي بالزين من معصمه لي معصمه
فيه بالون الهدب .. لون غير .. ولون غير=مثل ما للرمش بالعين .. قصه مبهمه
كنها نكس البيارق على شط وغدير=ومثل لملمة الشتات .. بشتات اللملمة
مع سواد مجدل ما يثور الايثير=كنه اللي ينهم الريح ثم تنهمه
ما تجمع لين قيد حرير مع حرير=في ظلام(علم الليل ما لم يعلمه)
ما هقيت ان الهدب صلب واجفانه تغير=لين سلهم .. لعنبو جد ذيك السلهمه
ما عتقني لين ساق البشاير للبشير=يوم صد وجاه قلبي بشحمه ولحمه
والله انه حط قلبي تحت رحمة شطير=في يديه وكل ما راد يقسمه اقسمه
يا عساني ما اعدم ارضاء في برد وهجير=ولوعدمت مروته يا عساني ما اعدمه
ان طلب عيني رضاه قلت ما غيره نظير=وان شرب دمي غضب قلت يستاهل فمه
واهنيه يرقد الليل مرقاد الغدير=كن نومه لا بغى يهزم الجفن اهزمه
والا انا من صفرة عصير الى صفرة اعصير=والسهر يا يلزم العين والا تلزمه
لو صحيح ان الحبيبين يجمعهم مصير=كان نفس اللي حرمني من النوم احرمه
والله ان مروتي ولعت فيني سعير=يوم شفته تل قلبي وداسه بقدمه
ما رحم زهرة شبابي وانا توني صغير=لين ضيق خاطري (ضيق الله انسمه)
ايه عدت من يدي بس ما عدت بخير=ليلة عيت تجي بس جتني مظلمه
حد علمي في عنها عذاب وزمهرير=يوم قمت اوحي بالاظلاع صوت وهمهمة
وحد علي بالرجا من نصير اليا نصير=يوم شفت النفس تذبح واهي مستسلمة
وحد علمي بالبكا يوم لي قلب وضمير=قبل اشوف المسلم يموت بيد المسلمه

[قمر السعودية]

الله ونااااااااااااسة ,, اموووت بهالشاااعر ,, قصايده رووووعه ,,


انا عندي ديوان ( كتاب ) له ,, وان شاء الله بكتب لكم قصايد منه ,,


مشكوووووووووووووور ,,

[ساٌرقٌ الأحلامٌ]

مشكوره خيتو



قمر على المرور الرائع


وانا من وين جايب هالقصايد غير من ديوانه

[قمر السعودية]

اهاااااا اوكيشن


وهذ قصيدة
الذهب



ياكثر .. مارافقت خلان واحباب ,, = وياكثر.. مافي شدتي همّلوني ..
على كثر .. ما اعدّهم ستر وحجاب,, = على كثر.. ما احتجتهم واتركوني ..
من صارت الخوة ثمن حفنة تراب ,, = نفس الوجيه اللي نصوني .. نسوني ..
من غير ذكر فروق وعروق وانساب ,, = كانوا ثلاثة .. والثلاثـــــة جفــــــــونـــي..
علّمتهم وشلون الاهداف تنصاب ,, = ولمّا سواعدهم قوت ... صوّبوني ..
عشاني اصغرهم عمر .. صاروا احزاب ,, = عشاني اصدقهم قصيد .. اظلموني ..
اللي نجاح اسمي زرع فيهم انياب ,, = حتى النصيحة .. مابغوا ينصحوني ..
دام العطايا عندهم دين واتعاب ,, = والله لو اطلب ذنبهم .. ما عطوني ..
طالب نصيحة ,, كنّي مطالب ارقاب ,, = وهي نصيحة ؟!. كيف لو زوّجوني ؟!.
كنت اكتب لنفسي مشاريه وعتاب ,, = ولا ادري ان اللي قروني ... قروني ..
تضاربت من دوني عقول والباب ,, = واجد بغوا غيري... وواجد بغوني ..
أقفل هدب .. تسهر على شعري أهداب ,, = كنّي حبست رقادهم في جفوني ..
لو شفتهم واحد .. يشوفوني اسراب ,, = من وين ما لدّوا نظرهم لقوني ..
أثري وجودي بينهم يحرق اعصاب ,, = ويزعل بعضهم من بعض لو طروني؟..
يا كبري بعيني , وانا توّني شـــاب ,, = واهمّ كتّــاب الشعر حاربـــــــــوني ..
حتى ولو يهوي على نجمي شهاب ,, = يكفيني ان اسمي كبير بعــــــيوني ..
كد قال ابوي : ان هبتهم قول ما هاب ,, = لو يقدرونك . قول : ماتقدروني ..
ما دام قبري محتضن راس مرقاب ,, = على كثر ماتقدرون .. ادفنوني ..
لو ماني بذيب . انهشت عظمي ذياب ,, = لو ماعرفت اثبت وجودي .. لغوني ..
لو ماسكنت وجيهــهــم .. متّ بغياب ,, = لو ما قدرت امحي ورقهم محوني ..
أصبحت الاصعب .. لانهم كانوا اصعاب ,, = جنّــنــتهم .. لأنــــــــهم جنّــنــوني ..
ما جيت ابا ادبل كبدهم شعر وخطاب ,, = لين ادبلوا كبد الذي خلّـــفونـــــي ..
يا ويل وجهي : ( كنّ للدمع مخلاب ),, = ما جفّ ماهـ ,, ولا استحى من طعوني ..
كل ماطرى لي منظر مريب وارتاب ,, = كان الوحيد اللي يحرك شجوني ..
قبلة صلاة, وذكر , وخشوع , وكتاب ,, = وامي على سجّــــــادة النور دونـــــي ..
تدعي لي الله يفتح بوجهي ابـــواب ,, = تتوسّــــله بالشدّة يكون عونـــي..
من كثر ما خفاقها بالدعا ذاب ,, = صارت تحــس ان ازمــــلاي اكرهــوني ..
بشّرتها: يمه معي ربع واصحاب ,, = ماني لحالي ,, واجد اللي يبوني ..
من يوم ماحاز قلمي كل الالقاب ,, = قلّطتهم في دفتري واحــــفظوني ..
الله وهبنـــيهم: بـني عــمّ واجناب ,, = من يوم جيت .. اعجــبتهــم واعجــبوني ..
اعجابهم فيني ماهو بيّـــة اعجاب ,, = باسلوبي , بشرحي , بطرحي , بلوني ..
لو قلت عن نفسي:( بشر).. صرت كذاب ,, = لو قلت ( دمّي من ذهــب ) صــدّقــوني ..
لو كيــفهــم!. كان ازرعوا دربي اعشاب ,, = لو بيدهم يـتـشـبّـهون ... اشــبهـــوني ..
من كثر ما صاروا من طبوعي اقراب ,, = حتى بلبــسة شمــغهم قلّـــدونـــي ..
واجد دعــوني , واغلقوا دوني الباب ,, = وكثار .. ناس ابكي لهم مابــكوني ..
لو طالوا لهدمي مناسيب واطناب ,, = كان وغلاتك من زمان اهدمــوني ..
ما دام حطّـوا فيني عيوب واسباب ,, = جنّبت عنهم مثــل ما جنّـبونــي ..
أصــلاُ .. لو انّ بخــوّتي شيّ ينعاب ,, = ذبحت نفسي قــبل لا يذبحونـــي ..
انا يدي لو ماكست متني ثياب ,, = نذرٍ عليّ اقـــطع يدي من متوني..
مو عيب اجــي مدعو ولا اشوف ترحاب !!,, = العيب لوّ انّــي رجعت ان دعــوني..
ما دمــت اجي ولا يحسبوا لي حساب ,, = حرّمــــت اروح ... اذا يبونــي يجــوني ..

وسلامـــــــــــتكم ,,

[نوٍآرٍي]

سـآرق ...
فكـرة تجنن...
مشكور إخوي..
ولي عـودهـ بإذن الله...

[قمر السعودية]

نحن بانتظار عودتك ,,

مشكووووورة ع المرووور ,, << وش دخلك انتي ؟؟

[الحنون]

:vba8843:
الله يعطيكم العافيه فكره رائعه
تقبلوا تحياتي ,,,
قمر ما اشوفك مسويا مظاهرات ثانيه ويش فيك .
,,, الحنون ,,,

[ساٌرقٌ الأحلامٌ]

سـآرق ...
فكـرة تجنن...
مشكور إخوي..
ولي عـودهـ بإذن الله...

حياك الله في الديون


نور الديوان بمرورك الجميل

وان شاء نشوف ابداعك في الديوان


دمتي بود يا الغلا


سارق
نحن بانتظار عودتك ,,
مشكووووورة ع المرووور ,, << وش دخلك انتي ؟؟
عادي حبيبة قلبي

تمونين

مشكوره على القصيده الروعه


:vba8843:
الله يعطيكم العافيه فكره رائعه
تقبلوا تحياتي ,,,
قمر ما اشوفك مسويا مظاهرات ثانيه ويش فيك .
,,, الحنون ,,,


مشكور اخوي الحنون

على المرور الرائع

[قمر السعودية]

:vba8843:
الله يعطيكم العافيه فكره رائعه
تقبلوا تحياتي ,,,
قمر ما اشوفك مسويا مظاهرات ثانيه ويش فيك .
,,, الحنون ,,,




على وشو اسوي اسوي مظاهرات ؟؟ مافيه شي ..

[نوٍآرٍي]

هـذآ أنـآ رجعت لكمـ بقصيـدة روعة..
التمثـآل..

عفا الله عن خطا غدر الخناجر والضلوع ابطال
باسامح واتركك تحت الظلام الحالك لحالك
دخيلك وفر دموعك ترى هدر الدموع اذلال
وترى مافيه احد يصبر مثل صبري iiبغربالك
انا عيب علي انقض كلامي والرجال iiافعال
واذا قلت اقطع حبالك تراني بقطع حبالك
عشان اكسب هدب عيني تجرعت العذاب iiاشكال
وليتك تراف بحالي علشان اراف بحالك
مسوي في حياتي شي مايذكر ولا ينقال
حتى العدو واهو العدو ما يعمل iiاعمالك
تمسيني على الهم وتصبحني على الغربال
تقلطني فناجيلك وتقصر عني دلالك
تحملت التعب لاجلك وانا حملي يهد iiجبال
رحلت من العذاب وما وقفت الا على جالك
علامك كلما اجيك متواضع جيتني iiتختال
معاك اليا متى باصبر وصبري معك يحلى لك
مثل ما اقبلت لعيونك لزوم تلدلي iiباقبال
ومثل ما قد حشمتك حس واحشم قلبي iiاشوالك
انا محد بجابرني اساير معك iiهالمنوال
ترى ماني تبيع لك ولاني اصغر عيالك
انا حبيت اعشقك نبض ومشاعر ما اعشقك تمثال
انا جيت اسكنك واحياك وابقى فيك وابقى لك
انا جيت اب ظمى عاشق تعب يطرد سراب اللال
انا جيت استفز رضاك من فرقاك والجا لك
انا ما همت بك عاقل انا كنت اعشقك iiبخبال
انا ما كنت احبك حي انا كنت اعشقك هالك
تخيل من كثر ما خفت تلقى للزعل مدخال
اخاف اخطي على طيفك وادوس برجلي iiظلالك
تبعتك والعرب تتبع رعود البارق الهمال
وانا شفت المطر يتبعك في حلك وترحالك
كأن الي خلق حسنك خلقني مع جسدك ظلال
وصرت اقرب جسد يمشي معك باقفاك واقبالك
ابي قلبك يحس انه فقد بمحبته رجال
ملكته من هدب عين وخسرت ارضاه iiباهمالك
صحيح ان الفراق اقسى ولكن الوصال iiمحال
وانا صعب على ارضي غرورك واضعف iiقبالك
بعد ما حققت عيني فبعدك للرقاد امال
اعود للسهر! ياخوي فال الله ولا iiفالك
ببدل نظرتك فيني واجي لك كل يوم بحال
باكون اقرب من ثيابك عليك ولا اتهيالك
بالمك وانثرك واجمعك وارجع انثرك باهمال
باخونك وازعلك وارضيك وازعل منك وارضى لك
ابرسم بالثرى وجهك وابدفن صورتك iiبرمال
ابشكي للعرب فرقاك واضحك عند عذالك
ابهديك الوصال فراق واهديك الفراق iiوصال
باسوي مثل ما اشوفك تسوي وافعل افعالك
عشان تعرف من فينا الزعول ومن وسيع البال
ابيك تذوق فنجالي وانا باذوق iiفنجالك
نصيحه واحتفظ فيها قصر معك الزمن او طال
ابي تسمع كلامي زين وتحطه على iiبالك
اذا حبك هبال اطفال لك عندي هبال iiاطفال
ولا وابشر بعد بهبال حب ماهو iiبهبالك
واذا قصدك تهين اسمي عشان تشمت iiالعذال
ترى لا انت ولا غيرك ولا عشره من اشكالك!!

[قمر السعودية]

صح لسااااااااااانك ولسان حامد ..


مشكووووووووووورة ع القصيدة ,,

[ساٌرقٌ الأحلامٌ]

مشكوره خيتو

نواري


على القصيده


دمتي بود يا الغلا


سارق

[ابو كريم العربى]

موضوع رائع وجميل

تسلم الآيادى