موجة
30-04-2008, 05:29 AM
مشهد خارجي... ظلام دامس.... أنوار خافتة مُحيطة بالبيت الأسود ..
الفجر يشقشق .... أصوات خبط ورزع على البوابة الخارجية للبيت الأبيض
لورا : يا ساتر يارب .. ده مين السمج اللي بيخبط علينا الساعة دي ؟ أصحي يا بوشي شوف في إيه
بوش يهب منزعجاً : إيه .. في إيه ؟ أسامه رجع تاني ؟ البرج .. أوعى البُرج .... ناولوني الشبشب ... إستخبي يا ديك ..
لورا : برج إيه يا راجل ما راح واللي كان كان .. ده باب البيت البرانى بيخبط قوم شوف مين .
بوش : أقوم أزاي وأنا بالبيجاما ... قومي أنتي يمكن ماحدش غريب ...
لورا : مين .. مين اللي بيخبط ؟
جيمي : أنا جمال يا طنط
لورا : جمال مين ؟
جيمي : جمال أبن مبارك
لورا : أبن سوزان ؟
جيمي : أبوه يا طنط أفتحي أنا فأفت من البرد .
لورا : خير يا جمال .. ماما جرا لها حاجة ؟
جيمي : لا .. ماما بخير والحمد لله ولسه ضاربة مكتبتين الأسبوع اللي فات
لورا : أوعى تكون إتخانقت مع خديجة .. حاكم أنا عارفها هاتعمل عليها ماري منيب ؟
جيمي : يا طنط مافيش حاجة ... أرحمي أهلي ودخليني الأول هاموت من البرد .. وبعد كده إن شالله تبعتني جوانتانمو يحققوا معايا .
لورا : أدخل يا جمال .. أقعد أتلقح في أوضة المسافرين عبال ما أصحيلك عمك بوش .... فطرت ولا أجيب لك لقمة تشق بها ريقك .
جيمي : لا الحمد لله أنا أكلت شاندوتشين سدُق في القطر وأنا جاي .... صحي لي أنكل قوام الله يخليكي عشان عايره في موضع مهم .
يدخل بوش أوضة المسافرين مرتدياً بيجامته الكستور وزعبوطاً من نفس نوعية قماش البيجاما .. مع شبشب حمام أزرق اللون ...
بوش : إيه ألشوقه الغريبة دي يا جمال يا أبني ؟ ومالك لابس لبس ولاد الليل ليه كده ومتلثم ؟
جيمي : أسف يا أنكل إني جاي من غير ميعاد .. لكن الموضوع خطير خطير خطير .
بوش : يا ساتر يارب !!!!!! إيه أوعى تقولي الشعب المصري صحي وثار عليك وعلى أبوك ؟
جيمي : بعد الشر يا عمو .. دول نايمين بقى لهم 7 آلاف سنة .. ولا أصحاب الكهف .
بوش : طب حد لغوص لكو في موضوع الانتخابات وفقس العملية ؟
جيمي: ماحدش يستجرى يا عمو واديك شايف إحنا بنعمل إيه في القضاة .
بوش : بابني تعبت قلب اللي خلفوني وأنا مش فاضليك .. خش في الموضوع
جيمي : في الحكيكة يا أنكل بوش .. بابا صحي من النوم من أسبوعين كده ووشه كان أصفر وجسمه فينتفض وفضل ينده ويقول " هاتوا لي جمال.. أنا عايز جمال " .. المهم سيبت خطيبتي وجتله جري لقيته ببقولي :
(مشهد داخلي... نهار ما طلعلوش شمس ... الكاميرا تقترب من غرفة النوم الرئيسية في قصر العروبة ... وتحديداً يتركز المشهد على السرير الملكي )
مبارك : شد لك كرسي و أقعد يا جمال أنا عايزك في موضوع خطير ... النهاردة إيه ؟
جيمي: 4 مايو يا بابا ..
مبارك: وده معناه إيه ؟
جيمي: معناه إن الموظفين قبضوا مرتباتهم من 3 أيام يا بابي
مبارك : موظفين .. مرتبات ؟ أنت هاتنضف مخك معايا ولا أخلى عيشتك سودا ؟
جيمي : بالراحة عليه .... صحتك يا حاج .. حاضر هانضف
مبارك : بابني النهاردة عيد ميلاد اللي حابك .. وأنا كملت النهاردة 78 سنة .
جيمي : والله ؟ كل سنة وأنت طيب يا حاج ... عن إذنك أوصل لحد " لا بالما " أضرب دستتين جاتوه على طورطايه و78 شمعه وأجي حمامه .
مبارك : تصدق بالله لو قاطعتني وتكلمت في الهجايص دي تاني أنا هاقطع رقبتك.... يا جمال يا ابني أنا حاسس إن يالله حُسن الختام ... وبالمختصر المفيد أنا عايز أقلوظ لك الكُرسي قبل ما أفلسع .
جيمي : بعد الشر عنك ... ده لو حصل ده أنا أموت نفسي وراك يا حاج .
مبارك : تموت نفسك ؟ طب ومصر ؟ والمصريين دول مين يشكمهم يا جمال ؟
جيمي : آه صح ... طب أتكل عالله أنت يا حاج وأنا هابقى أحصلك ..
مبارك : عشان كده أنا عايز تتخفى وتتكتم وفي منتهى السرية تروح لعمك بوش وتبوس أيده وتقوله " أبويا بيسلم عليك وببقولك .. إمتى هايتم المُراد يا جميل .. إحنا طالبين الرضا والسماح "
جيمي : إيه دا دا يا بابا ؟... بس أنا بأحب خديجة وأنت عارف .. وهاكتب عليها بعد موسم القُطن اللي جاي ؟
مبارك : اللهم طولك يا روح ... خديجة إيه وقطن إيه بابني حرام عليك هاتموتني ناقص عمر .. مين جاب سيرة خديجة ولا الجواز دلوقت ؟
جيمي : مش أنت بتقولي روح أطلب أيد بنت عمك بوش ؟
مبارك : أنا قلت كده يا رئيس المستقبل .. يا فلته عصرك وأوانك ؟.. بابني أدم أنا بأقوالك روح إستسمح عمك وأطلب منه يساعدك في القعاد على الكُرسي ...
جيمي : يا حبيبي يا بابي ... والله هاتوحشني لما تروح .. وهاتوحشني أفكارك البرلنتية ... وتفتكر يا بابا أنكل بوش هايوافق ؟
مبارك : ربنا يهديه .. إحنا بس نرمي بياضنا ونشوف طلباته إيه ؟
جيمي : عشان كده يا عمو أنا جيت لك النهاردة وطالب الرضا والسماح
بوش : في الحقيقة أنت فاجأتني بطلبك ده .. وبعدين " جينا لسه صغيرة وما بتفكرش في الجواز دلوقت ..
جيمي : الحمد لله .. يعني مش أنا بس اللي بأفهم بالشقلوب
بوش : قصدك إيه ؟
جيمي : لأ ما فيش حاجة .. ده أنا فتكرت موقف كده حصل بيني وبين بابي ... يا عمي أنا مش قصدي الجواز من سليلة الحسب والنسب .. أنا بأقصد إني طالب الرضا والسماح عشان أقعد وأترستق على الكُرسي وأدلدل رجلي ؟
بوش : آه قلت لي ... طب استناني أما أضرب واحد كابتشينو عشان أفوقلك أنت وأبوك ..
بوش : قلت لي بقى أبوك بعتك ليه ؟
جيمي : بابي بيسلم عليك وببقولك قلوظ لي الكُرسي .
بوش : لا إستأنا عليه أما أندهلك خالتك أم سلحول ..
جيمي : طب وإيه لذمة طنط لورا في الموضوع الرجالي ده ؟
بوش : لورا مين .. يخرب بيت عقلك وطي صوتك أحسن تسمعك من المطبخ ... أم سحلول ده الاسم الحركي لخالتك كوندي .
جيمي : آه .. وماله بس بسرعة يا أنكل أحسن عايز اروح قبل الدُنيا ما تضلم وكمان عشان سايب خديجة في جنينية المريلاند لوحدها .
بوش : يامايكل .. يا مايكل ...
مايكل : أوامرك يا أفندينا .
بوش : إدي ميسد كوول لكوندليزا خليها تيجي بالعجل .
مايكل : بس يا أفندينا الدنيا لسه الفجر وممكن تكون نايمه وحتى لو صحيت وجت بسرعة فمش هاتلحق تغسل وشها .. وده في خطر علينا .
بوش : يا سيدي ما بتفرقش كثير .. أندها وخليها تيجي والسلام .
وتأتي كوندي مهرولةً وتدخل أوضة المسافرين على بوش وجيمي
كوندليزا وهي تتثاءب : صباح الخير يا مستر بريزيدانت مين جيمي أبن سوزان ... أزيك يا ولا وازي أمك ؟
جيمي : كويس .. وماما بتسلم عليكي يا طنط وبعته لك معايا حتة قماش قطيفة تنفع ميكروجيب .
كوندي : ميرسي خالص يا جيمي ماكنش له لزوم .. وإبقى سلم على ماما .
بوش : جيمي يا ستي جاي وجايب معاه رسالة من والده بيقولي فيها أقلوظ له الكرسي
كوندي : وماله يا مستر بريزيدانت .. بس كله بثمنه
جيمي : وأنا رقبتي سداده يا طنطكوندي .. ومستعد دلوقت أكتب لكو أي حتة في مصر بيع وشرا .. من أول توشكي لحد شرم الشيخ
:redfac1e:
الفجر يشقشق .... أصوات خبط ورزع على البوابة الخارجية للبيت الأبيض
لورا : يا ساتر يارب .. ده مين السمج اللي بيخبط علينا الساعة دي ؟ أصحي يا بوشي شوف في إيه
بوش يهب منزعجاً : إيه .. في إيه ؟ أسامه رجع تاني ؟ البرج .. أوعى البُرج .... ناولوني الشبشب ... إستخبي يا ديك ..
لورا : برج إيه يا راجل ما راح واللي كان كان .. ده باب البيت البرانى بيخبط قوم شوف مين .
بوش : أقوم أزاي وأنا بالبيجاما ... قومي أنتي يمكن ماحدش غريب ...
لورا : مين .. مين اللي بيخبط ؟
جيمي : أنا جمال يا طنط
لورا : جمال مين ؟
جيمي : جمال أبن مبارك
لورا : أبن سوزان ؟
جيمي : أبوه يا طنط أفتحي أنا فأفت من البرد .
لورا : خير يا جمال .. ماما جرا لها حاجة ؟
جيمي : لا .. ماما بخير والحمد لله ولسه ضاربة مكتبتين الأسبوع اللي فات
لورا : أوعى تكون إتخانقت مع خديجة .. حاكم أنا عارفها هاتعمل عليها ماري منيب ؟
جيمي : يا طنط مافيش حاجة ... أرحمي أهلي ودخليني الأول هاموت من البرد .. وبعد كده إن شالله تبعتني جوانتانمو يحققوا معايا .
لورا : أدخل يا جمال .. أقعد أتلقح في أوضة المسافرين عبال ما أصحيلك عمك بوش .... فطرت ولا أجيب لك لقمة تشق بها ريقك .
جيمي : لا الحمد لله أنا أكلت شاندوتشين سدُق في القطر وأنا جاي .... صحي لي أنكل قوام الله يخليكي عشان عايره في موضع مهم .
يدخل بوش أوضة المسافرين مرتدياً بيجامته الكستور وزعبوطاً من نفس نوعية قماش البيجاما .. مع شبشب حمام أزرق اللون ...
بوش : إيه ألشوقه الغريبة دي يا جمال يا أبني ؟ ومالك لابس لبس ولاد الليل ليه كده ومتلثم ؟
جيمي : أسف يا أنكل إني جاي من غير ميعاد .. لكن الموضوع خطير خطير خطير .
بوش : يا ساتر يارب !!!!!! إيه أوعى تقولي الشعب المصري صحي وثار عليك وعلى أبوك ؟
جيمي : بعد الشر يا عمو .. دول نايمين بقى لهم 7 آلاف سنة .. ولا أصحاب الكهف .
بوش : طب حد لغوص لكو في موضوع الانتخابات وفقس العملية ؟
جيمي: ماحدش يستجرى يا عمو واديك شايف إحنا بنعمل إيه في القضاة .
بوش : بابني تعبت قلب اللي خلفوني وأنا مش فاضليك .. خش في الموضوع
جيمي : في الحكيكة يا أنكل بوش .. بابا صحي من النوم من أسبوعين كده ووشه كان أصفر وجسمه فينتفض وفضل ينده ويقول " هاتوا لي جمال.. أنا عايز جمال " .. المهم سيبت خطيبتي وجتله جري لقيته ببقولي :
(مشهد داخلي... نهار ما طلعلوش شمس ... الكاميرا تقترب من غرفة النوم الرئيسية في قصر العروبة ... وتحديداً يتركز المشهد على السرير الملكي )
مبارك : شد لك كرسي و أقعد يا جمال أنا عايزك في موضوع خطير ... النهاردة إيه ؟
جيمي: 4 مايو يا بابا ..
مبارك: وده معناه إيه ؟
جيمي: معناه إن الموظفين قبضوا مرتباتهم من 3 أيام يا بابي
مبارك : موظفين .. مرتبات ؟ أنت هاتنضف مخك معايا ولا أخلى عيشتك سودا ؟
جيمي : بالراحة عليه .... صحتك يا حاج .. حاضر هانضف
مبارك : بابني النهاردة عيد ميلاد اللي حابك .. وأنا كملت النهاردة 78 سنة .
جيمي : والله ؟ كل سنة وأنت طيب يا حاج ... عن إذنك أوصل لحد " لا بالما " أضرب دستتين جاتوه على طورطايه و78 شمعه وأجي حمامه .
مبارك : تصدق بالله لو قاطعتني وتكلمت في الهجايص دي تاني أنا هاقطع رقبتك.... يا جمال يا ابني أنا حاسس إن يالله حُسن الختام ... وبالمختصر المفيد أنا عايز أقلوظ لك الكُرسي قبل ما أفلسع .
جيمي : بعد الشر عنك ... ده لو حصل ده أنا أموت نفسي وراك يا حاج .
مبارك : تموت نفسك ؟ طب ومصر ؟ والمصريين دول مين يشكمهم يا جمال ؟
جيمي : آه صح ... طب أتكل عالله أنت يا حاج وأنا هابقى أحصلك ..
مبارك : عشان كده أنا عايز تتخفى وتتكتم وفي منتهى السرية تروح لعمك بوش وتبوس أيده وتقوله " أبويا بيسلم عليك وببقولك .. إمتى هايتم المُراد يا جميل .. إحنا طالبين الرضا والسماح "
جيمي : إيه دا دا يا بابا ؟... بس أنا بأحب خديجة وأنت عارف .. وهاكتب عليها بعد موسم القُطن اللي جاي ؟
مبارك : اللهم طولك يا روح ... خديجة إيه وقطن إيه بابني حرام عليك هاتموتني ناقص عمر .. مين جاب سيرة خديجة ولا الجواز دلوقت ؟
جيمي : مش أنت بتقولي روح أطلب أيد بنت عمك بوش ؟
مبارك : أنا قلت كده يا رئيس المستقبل .. يا فلته عصرك وأوانك ؟.. بابني أدم أنا بأقوالك روح إستسمح عمك وأطلب منه يساعدك في القعاد على الكُرسي ...
جيمي : يا حبيبي يا بابي ... والله هاتوحشني لما تروح .. وهاتوحشني أفكارك البرلنتية ... وتفتكر يا بابا أنكل بوش هايوافق ؟
مبارك : ربنا يهديه .. إحنا بس نرمي بياضنا ونشوف طلباته إيه ؟
جيمي : عشان كده يا عمو أنا جيت لك النهاردة وطالب الرضا والسماح
بوش : في الحقيقة أنت فاجأتني بطلبك ده .. وبعدين " جينا لسه صغيرة وما بتفكرش في الجواز دلوقت ..
جيمي : الحمد لله .. يعني مش أنا بس اللي بأفهم بالشقلوب
بوش : قصدك إيه ؟
جيمي : لأ ما فيش حاجة .. ده أنا فتكرت موقف كده حصل بيني وبين بابي ... يا عمي أنا مش قصدي الجواز من سليلة الحسب والنسب .. أنا بأقصد إني طالب الرضا والسماح عشان أقعد وأترستق على الكُرسي وأدلدل رجلي ؟
بوش : آه قلت لي ... طب استناني أما أضرب واحد كابتشينو عشان أفوقلك أنت وأبوك ..
بوش : قلت لي بقى أبوك بعتك ليه ؟
جيمي : بابي بيسلم عليك وببقولك قلوظ لي الكُرسي .
بوش : لا إستأنا عليه أما أندهلك خالتك أم سلحول ..
جيمي : طب وإيه لذمة طنط لورا في الموضوع الرجالي ده ؟
بوش : لورا مين .. يخرب بيت عقلك وطي صوتك أحسن تسمعك من المطبخ ... أم سحلول ده الاسم الحركي لخالتك كوندي .
جيمي : آه .. وماله بس بسرعة يا أنكل أحسن عايز اروح قبل الدُنيا ما تضلم وكمان عشان سايب خديجة في جنينية المريلاند لوحدها .
بوش : يامايكل .. يا مايكل ...
مايكل : أوامرك يا أفندينا .
بوش : إدي ميسد كوول لكوندليزا خليها تيجي بالعجل .
مايكل : بس يا أفندينا الدنيا لسه الفجر وممكن تكون نايمه وحتى لو صحيت وجت بسرعة فمش هاتلحق تغسل وشها .. وده في خطر علينا .
بوش : يا سيدي ما بتفرقش كثير .. أندها وخليها تيجي والسلام .
وتأتي كوندي مهرولةً وتدخل أوضة المسافرين على بوش وجيمي
كوندليزا وهي تتثاءب : صباح الخير يا مستر بريزيدانت مين جيمي أبن سوزان ... أزيك يا ولا وازي أمك ؟
جيمي : كويس .. وماما بتسلم عليكي يا طنط وبعته لك معايا حتة قماش قطيفة تنفع ميكروجيب .
كوندي : ميرسي خالص يا جيمي ماكنش له لزوم .. وإبقى سلم على ماما .
بوش : جيمي يا ستي جاي وجايب معاه رسالة من والده بيقولي فيها أقلوظ له الكرسي
كوندي : وماله يا مستر بريزيدانت .. بس كله بثمنه
جيمي : وأنا رقبتي سداده يا طنطكوندي .. ومستعد دلوقت أكتب لكو أي حتة في مصر بيع وشرا .. من أول توشكي لحد شرم الشيخ
:redfac1e: