مقارنة بين الواد الفافى والواد البيئة.

[موجة]

:a_1:سلام عليكم.
انا جيبت لكم النهاردة موضوع حقيقى يضحك.
لما ابن اختى ورهولى قولت لازم انتم كمان تضحكوا معايا.
لانه فعلا لذيذ هههههههههههههه حتى شوفوا بضحك من قبلها كمان
ههههههههههههههههههههههه
مقارنة بين الواد لفافى والواد البيئة

الولد من دول يصحى على صوت الكناري اللي في اوضته ....
- سو سو سو سو .... -

2-يدخل الحمام ياخد شاور .... ويغسل شعره بشامبو من ايطاليا .... ويحط جيل بالمرز من فرنسا ويغسل سنانه بمعجون سيجنال تو .....
- بيتفرج على الام بي سي كتيييييييييييير -

3- يطلع من الحمام يلاقي الداده مستنياه بفوطه من حريييييير .... وتلاعبه وتهزر معاه بالانجليزي ....
- الداده معاها دكتوراه من جامعة اسفخص في لندن -

4-يخش على اوضته ... ويفتح الدولاب ويطلع منه هدومه المكويه واللي ريحة اريال باينه فيها .....
- اريال .... نسيم الصباح -

5- يجيب جزمته من الجزامه ... اللي مليانه جزم وكوتشيهات ... وسبوووز .....
- تقولش دخلت محل لطفي أو توكيل تمبرلاند -

6- ينزل يفطر مع مامي ودادي ... والفطار كورن فليكس بطعم الستروبوري او الشوكولات
.....
- كورن فيليكس كلووقز .. مش بسكو مصر -

7- يسلم على مامي ويبوسها بعد ماتكون حطتله ديناربوكس بتاعه وفيه .... ساندوتشين تشيزبرجر و كيس شيبسي و عصير جهينه او ايزي موزوو
- ايزي مووزو !!!! فاكرين الاعلان ده ؟؟؟ -

8- يسلم على دادي اللي يديله البوكيت موني بالدولار ..... مش يعرفو حاجه اسمها جنيه طبعا
- جنيه ؟؟؟؟ دي عملة انكردت من زمااان -

9- يطلع من البيت بعد الداده ماتلبسه الشنطه بتاعة الكتب على ضهره ..
- بنشوف الشنطه دي مع الخواجات في شرم وبس -

10- يركب الباس بتاع السكول .... ويشاور (باي باي) للداده ولمامي ... ويركب مع زمايله ويغنو بالانجليش او الفرينش .....
- فريدرو جاكو .... فريدرو جاكو ... هايللبّووه -

*الطفل البييييئه :

1- دييييييييب .... اخوه رمى عليه طوبه عشان بقاله ساعتين بيصحي فيه ... وهو ولا هنا ...
- طبعا .. مقضيها صرمحه في الشارع للفجر -

2- العيال دي ماتعرفش اختراع اسمه (غسيل الوش بعد ما تقوم من النوم)
..... هم شوية خناق مع اخواته ويبقى صحصح على الآآآآآآآخر ....
- بدل تمارين الصباح ... رياضه برضه -

3- طبعا بعد الخناق ده بيبقى جعان ... تلاقيه بيحوم في الشقه ويدوّر في المطبخ على اي حاجه .... انشالله صرصار .. برضه هاياكله من الجوع
- عشان كده ماتلاقيش في بيتهم صراصير -

4- بعد ما يحط في بطنه اي حاجه في رغيف ... يدور على اي حاجه يلبسها .... القميص مرمي تحت السرير ... ويقلع اخوه الصغير البنطلون بتاعه وهو نايم ...
- هدومه كلها مكرمشه ... تقولوش طالعه من بق كلب -

5- طب وبعدين .... ساعتين بيدور على الجزمه ... مش عارف رزعها فين ... واخوه الكبير خارج من البيت حافي كمان عشان مايقولش انه خدها ... افتكر اخيرا انه حاطط فرده منهم فوق الدولاب .... والتانيه ... تحت التلاجه !!!!!!
- طبعا ما يعرفش اختراع اسمه الشرابات -

6- دلوقتي معاد حرب كل يوم ..
: ماما ... انا عايز مصروفي
: مصروف ايه ياااااض ... انت مش واخد امبارح .. ولا كل يوم مصروف مصروف
: يعني
مافيش اي حاجه ؟؟؟
: في دي ..... دييييب ...
- ضربة بالحله على نافوخه -

7- الباشمهندس الصغير .... مايعرفش فين كتبه ولا كشاكيله اصلا .... عشان كده ... خد اي كتاب موجود في البيت على اي كشكول ....
- مايعرفش يعني ايه قلم .... غير اللي بياخده على قفاااه -

8- هايروح مدرسته ازاي ؟؟؟ طبعا اي ميكروباز او عربيه نقل وقضيها شعبطه ....
- ليااااااااااااااااااااااااااااقة -

[TAMER_LOVER]

بجد موضوع اكتر من رائع تسلم ايدك موجة علي قد ما هو الموضوع مضحك علي قد انو بيتكلم بصراحة وبيرد علي نوعيتين موجودين في البيئة المصرية مرة تانية متشكر علي الموضوع الرائع وارجو التسبيت موضوع يتساهل التسبية

[حسناء]

بصراحه الموضوع مفيش منه اى شى من الواقعيه لان لايمكن يكون ده اللى بيحصل
ده بس شى من سبيل المرح والضحك بس ده لا يمكن يكون حقيقى او بيحصل
اكيد فى ناس كتيير هتكون موفقانى الرد انا معاكم ان دلوقتى مصر مبقاش فيها طبقه وسطى بس لسه فى ناس محترمين كتيير اوى

[موجة]

ميرسى على مرورك يا نور هو موضوع طريف فعلا
وعشان كدا حبيت انكم تشوفوه لمجرد الضحك .

[موجة]

انتى كبرتى الموضوع خالص يا حسناء الموضوع لمجرد الضحك فقط
وماتنسيش انه فى منتدى الفكاهة والترفيه.
وبرده مافيش اى حد هيعقل النموذج التانى
اللى بيمثله الولد البيئة.
فخلاصة الموضوع انه موضوع ترفيهى الغرض منه الضحك
كمسلسل كوميدى او مسرحية كوميدية.
وميرسى خالص على مرورك.

[حسناء]

يا حبيبتى انا فاهمه انه من سبيل الضحك بس انا باكدللك ان مفيش اى نوع من الاتنين دول
ومره تانيه بهنيكى على مواضيعك

[TAMER_LOVER]

هو اية اللي النوعيتين مش موجودين علي فكرة
النوعيتين دول انا شفتها بي عيني
بس انتو بنات مش بتخرجو كتير
جربو كدة واحد تطلع علي منطقة اسمها الدويقة
ولا منطقة اسمها منشية ناصر
ولا مناطق كتير
بصوا انتو الاتنين انا ساكن في الهرم وشفت نوعية الشاب الفافي اللي بتقولي علية يا موجة
ورحت الدويقة وشفت النوعية البسيطة بتاعت الناس الغلابة او الناس اللي مش عايزين يعيشو
فهمني وبردو مش هتفهمو لانكم مشفتوش حاجة الموضوع بالنسبالكم فكاهي مش اكتر
تسلم ايدك علي موضوعك الجميل موجة

[حسناء]

الموضوع مش عشان احنا بنخرج او مش بنخرج الموضوع عن ان كل انسان عايش فى بيئه معينه ومش بيشوف غيرها خلاص يا جماعه ممكن يكون فى النوعيتين دول

[admin]

هههههههههههههههههههههههههههههههههههههههههههههههههه هه والله كتير روعه وكتير ضحكت عليها تسلم ايدك عاوزين كتير من المواضيع المضحكه الشيقه دى ويستحق التثبيت

[هايدى]

تسلميلى ياعسل على الطرح الرائع

[ابو كريم العربى]

الله يعطيك العافيه
تقبلي مروري
تحياتي ,,,